ساندويتشات الجلاش باللحمة المفرومة

ساندويتشات الجلاش باللحمة المفرومة فى ربع ساعه تجهزيها ممكن تحشيه جبنه او ممكن تحشيه باللحمه كتنويع وتقديمها مع بطاطس محمره وخيار وطماطم وصفه لذيذه وسهله وكمان طعم جميل .لو عملتى ورقتين جلاش كل واحد من افراد اسرتك هياخد 3 قطع .وانتى ورغبتك.

المقادير: 

لفتين جلاش
1/2 كيلو لحمه مفرومه 
ملح وفلفل اسمر وشطة
جبنه رومى مبشوره 
زتون مخلى 
بصله مبشوره او اضربيها فى الخلاط 
3طماطم كبيره منزوعه القشر
2 معلقه سمنه كبيره سايحه .

الطريقة: 

هنحط البصل المبشور فى الطاسه فيها زيت ونقلب لحد مايصفر ونحط اللحمه ونقلب لحد ماتطيب ونحط شطه بسيط وملح وفلفل اسمر ونقلب .بعد كده هنكون مجهزين الطماطم المقشره والجبنه الرومى المبشوره والزيتون .
هنفرد الجلاش ع صينيه وناخد كل 3 ورقات نحط فيهم بالترتيب اللحمه بعدها الطماطم والجبنه والزيتون ونقفلهم من تحت ونلفها وفى الاخر نقسمها نصين .وهكذا لحد مانخلص الجلاش كله ولو حبينا نعمله حادق بالجبنه يعنى هنحط جبنه وطماطم وزيتون ونفس طريقه التقفيل عليها ونقسمها نصين ونجيب صينه نفردهم فيها ونكون مسيحين معلقتين سمنه كبار ونرش عليهم وبعد كده ندخلهم فى فرن حامى ودرجه حراره 180 ونقلبهم بعد 10 دقايق ع الوش التانى عشان يحمر . 
واتمنى تجربوه وهيعجبكم ان شاءالله